Midaug sa Sinulog sa dakbayan kagahapon

MALAMPUSON ang pagpahigayon sa Sinulog sa Kabataan sa Dakbayan kagahapon sa Cebu City Sports Center.

Ang mga mananaug sa kategoriya sa elementarya: Lahug Elementary School, unang dapit; Pasil Elementary School, ikaduhang dapit; PuntaPrinsesa Elementary School, ikatulong dapit; Talamban Elementary School, ikaupat nga dapit; ug Banawa Elementary School, ikalimang dapit.

Sa kategoriya sa sekondarya: Don Sergio Osmeña, Sr. Memorial National High School, unang dapit; Camp Lapu-Lapu National High School, ikaduhang dapit; Pardo National High School, ikatulong dapit; Florencio Urot Memorial National High School, ikaupat nga dapit; ug Abellana National High School, ikalimang dapit.

Ang Best in Costume nakuha sa Camp Lapu-Lapu National High School.

Mga sindikato nangabot, mopahimulos sa Sinulog

HUMAN sa kapistahan sa Black Nazarene sa kaulohan, gipaabot nga karong semanaha hinayhinay na nga mangabot dinhi sa dakbayan ang nagkadaiyang sindikato sa mga kawatan ug mangunguot alang sa Sinulog.

Subay niini, gihingusgan na usab sa kapulisan ang ilang pagbantay batok sa maong mga grupo pinaagi sa pagpahugot sa ilang monitoring ug pakig-alayon sa management sa mga pension house ug mga guwardya sa mga mall ug kan-anan.

Gitug-an ni S/Insp. Michael Anthony Bastes, hepe sa Theft and Robbery Section (TRS) sa Cebu City Police Office (CCPO) nga ilang gipaabot nga maghinayhinay nag pangabot dinhi ang mga kawatan nga gikang namiktima atol sa kapistahan sa Black Nazarene didto sa kaulohan.

“Kadtong atong nadakpan sa unang mga tuig gikan to sila sa Black Nazarene kay inig human didto, anhi man dayon dire,” niingon si Bastes.

Hinuon, niingon si Bastes nga gawas sa mga notadong mga personalidad nga ila nang nailhan human usab mangasikop, maglisod gyud sila og identify sa ubang mga kawatan.

Ang pagpaniid nalang sa mga lihok maoy bugtong paagi sa kapulisan sa pag-identify kanila.

“Mailhan mana nimo sila pinaagi sa ilang lihok kay kon ang uban magtutuok gyud og tan-aw sa Sinulog, kana sila magsige og lakaw-lakaw, magbahas-bahas kay mangita og biktimahon,” pagtug-an pa ni Bastes.

Sanglit di man tanang mga kawatan o mangunguot ang mabantayan sa kapulisan, matod ni Bastes nga nakig-alayaon na sila sa mga guwardiya sa mga mall ilabina na sa mga kan-anan.

Duha ka dagkong fastfood chains nga base sa nangaging tuig maoy sagad gisudlan sa mga kawatan ang giadto na ni Bastes aron pahimangnoan ang mga guwardiya.

Matod ni Bastes nga iyang gitudloan ang mga guwardya unsaon pagbantay sa mga kawatan.

“Kanang mga tawo nga inig sud di mo-order, maglingkodlingkod lang unya magbalhinbalhin og lingkuranan,” dugang tug-an ni Bastes.

Samtang ila usab nga giadto ang ubang mga pension house ug gipasidan-an sa pagtawag dayon sa kapulisan kon dunay mamatikdang mga tawo nga kadudahan og mga lihok.

Matod ni Bastes nga sagad usa ra ka tawo ang mo-check-in kay kadaghanan kanila way mga identification card.

Sagad sa mga sindikato gikan sa Ormoc, Metro Manila ug Mindanao.

Deadline sa pag-apil sa Sinulog parade karong Miyerkules (Jan. 14, 2009)

KUTOB nalang karong Miyerkules ang gihatag nga deadline sa Sinulog Foundation Inc. alang sa mga mosalmot sa Sinulog grand parade nga makaparehistro.

Sa kasamtangan, dunay 87 ka mga partisipante ang nagparehistro alang sa nagkadaiyang kategoriya.

Moabot na sa 41 ka mga dancing contingent ang nakarehistro diin 26 niini alang sa Sinulog based samtang 15 sa free interpretation.

Sa maong gidaghanon, siyam niini ang mga out-of-town contingent diin upat kanila mga first-timer sa Sinulog.

Ang mga first-timer mao ang taga Placer, Masbate, Dulag sa Leyte , Tacloban, ug Gen. Luna sa Siargao Island, Surigao City.

Samtang ang ubang mga out-of-town mao ang Tangub, Abuyog, Leyte ; Sta. Catalina sa Negros Oriental, ug Lanao del Norte.

Ang napulo ka mga winners sa Sinulog sa Kabataan sa Lalawigan niadtong Sabado automatic na usab nga mosalmot sa grand parade.

Lima niini ang gikan sa elementary division nga mao ang Pajo sa Lapu-Lapu City; Kawayan sa Dalaguete; Pundok Tugbunganon sa Consolacion, Panagsogod sa Sogod ug Bogo City.

Samtang laing lima gikan sa secondary level mao ang Silaw sa Carcar City, Pundon Tayuranon sa Consolacion, Kaliwat Mandauehanon, Liloan ug Guinsay sa Danao City.

Ang laing napulo ka mga mananaog sa Sinulog sa Kabataan sa Dakbayan kagahapon automatic usab nga mosalmot sa grand parade.

Duna say 26 ka mga entry alang sa float category, ug tag napulo alang sa higante ug puppeteers.

Lima pa lang usab hinuon ang nagparehistro alang sa festival queen category o kadtong mga lead dancer.

Samtang moabot na sa kapin sa 600 ka mga photographers ang nagpa-rehistro aron mosalmot sa photo contest.

Ang maong gidaghanon nagsagol na sa mga professional o mga amateur.

Gitug-an ni Dolly Suzara, project director sa SFI, nga di na gyud nila lugwayan pa ang deadline maong gidasig ang mga partisipante nga magparehistro na.

45,000 apektado sa bank holiday sa Cebu

Umaabot sa 45,000 depositors ang direktang apektado sa pagsara ng ilang bangko sa lungsod ng Cebu, ayon sa isang opisyal ng Philippine Deposit Insurance Corporation (PDIC).
Sinabi ni Ferdinand Beluan, PDIC member, na kasalukuyan pang tinatamasa ng kumpanya ang records ng Bank of East Asia, Pilipino Rural Bank at mga sangay nito sa nasabing lungsod, Philippine Countryside Rural Bank at mga bangkong may kaugnayan sa Legacy Group of Companies.
Aniya, kinakailangang kumpleto at bukas ang lahat ng records ng mga nasabing bangko bago isasailalim ang mga ito ng PDIC sa isang malalimang ebalwasyon.
Bukod dito, sinabi ni Beluan na inaatas pa nito ang release ng P250,00 na hinihingi ng mga depositors.
Ayon naman kay Nathaniel Tumbokon ng finance department ng PDIC, 98 porsiyento ng depositors ay saklaw ng PDIC at ang 2 porsiyento ay ng bank’s assets.
Siniguro rin nito sa mga depositors na makukuha nila ang kanilang insurance.
Sa panig naman ni Awin Lim, miyembro ng Cebu federation of Rural Banks, huwag umanong mabahala ang mga depositors at dagdagan pa ang kanilang tiwala sa mga rural banks.