50,000 OFWs mawawalan ng trabaho sa Taiwan, Dubai at SoKor

Inaasahang aabot sa limampung libong overseas Filipino workers (OFWs) ang mawawalan ng trabaho ngayong taon dahil sa paghagupit ng global economic crisis.

Ayon sa Department of Labor and Employment (DOLE), ang nasabing bilang ng mga OFWs na unang tatamaan ng global financial crisis ay mula sa mga bansang Taiwan, Dubai at South Korea.

Sa ngayon, tinata­yang nasa 5,000 OFWs na ang nawalan ng hanapbuhay sa Taiwan, Dubai at South Korea at inaasahan pa ang paglobo nito hanggang sa 50,000 sa taong ito, ayon kay DOLE Sec. Marianito Roque.

Gayunpaman, tini­yak ni Roque sa mga apektadong OFWs na makaka­hanap sila ng ibang ha­nap­buhay sa sandaling mag­balik sila sa Pilipinas habang ang iba naman ay maaaring magsanay upang umiba ng linya ng trabaho.

Iginiit pa ni Sec. Roque na tuluy-tuloy din ang gagawing deployment ng gobyerno ng mga manggagawang Pinoy sa kabila ng krisis.

Sinabi pa ng kalihim na araw-araw ay nakakapag-deploy ang gobyerno ng 3,000 manggagawa. Ang pag-akyat sa bilang ng deployment ay tumaas ng 24 porsiyento o katumbas ng 1.3 milyon noong nakaraang taon (2008).

Sa pagtataya, ang deployment mula Enero hanggang Oktubre ay uma­bot na sa 1.115 milyon o 25.5 porsiyento, mas mataas sa bilang ng mga umaalis na Pinoy sa kahalintulad na panahon noong 2007, ayon sa tala ng Philippine Overseas Employment Ad­mi­nistration (POEA).

Pinauuwi na ang OFWs sa Cyprus

Hindi na pinagre-renew ng kanilang kontrata at sa halip ay pinauuwi na sa Pilipinas ang mga overseas Filipino workers (OFWs) na nagtatrabaho sa Cyprus.

Ito ay makaraang magpasya ang pamahalaan ng naturang bansa na ipra­yoridad ang kanilang mga kababayan sa local job opportunities.

Sa ilalim ng batas ng Cyprus, kailangang tuluy-tuloy na magtrabaho at manirahan sa kanilang bansa ang isang dayuhang manggagawa bago ito magkuwalipika na kumuha ng ‘permanent residency’ ngunit sa pagkakataong ito ay hindi ito ipinagkaloob ng dayuhang gobyerno sa kuwalipikadong mga Pinoy workers at sa halip ay pu­wersahan na itong pinababalik ng Pilipinas pagkatapos ng kanilang kontrata.

Isa si John Tumagda sa mga OFW na patapos na ang 5-taong kontrata at nakatakdang bumalik ng Pilipinas. Kahit umano ‘in demand’ ang mga Pinoy chef na tulad niya sa Cyprus ay hindi pa rin ire-renew ang kanyang kontrata dahil ito ang polisiya ngayon ng naturang gobyerno.

Kaugnay nito, iniulat naman kahapon ng Department of Labor and Employment (DOLE) na umabot na sa 312 ng kabuuang 439 nasisante at nagsiuwing OFWs ang natulungan na ng pamahalaan at naipila sa mga recruitment agencies para muling makapagtrabaho sa abroad.

Maraming job opening sa abroad

Maraming Filipino ang gustong mag abroad, may magandang balita ang ating gobyerno na madaming trabahong sa abroad ngayong 2009. paki basa lang po sa baba.

http://qatarpinoy.blogspot.com/2008/12/more-jobs-await-ofws-in-2009.html

sana hindi kayo magsawang magbasa rito sa blog ko about life in qatar. salamat po sa inyo

Exclusive working visa sa OFW para Qatar

Kabuuang 128,000 mga bagong working visas na ekslusibo lamang para sa mga Overseas Filipino Workers (OFWs) ang binuksan ng bansang Qatar.
Sa nasabing bilang, 37,000 sa mga ito’y may aktuwal nang job contracts para sa mga OFWs na siyang unang inihayag ni Pangulong Gloria Macapagal-Arroyo noong bumisita ito sa Qatar nitong weekend.

Sa panayam kahapon sa Malacañang, sinabi ni Department of Trade and Industry (DTI) Sec. Peter Favila na ang pagbubukas ng mga bagong working visas sa mga OFWs ay isa sa napagkasunduan sa pakikipagpulong ni Pangulong Arroyo sa mga government officials ng Qatar nitong weekend.

Ani Favila, karamihan sa mga OFWs na mabibiya­yaan ng working visas ay sa propesyon ng engineering ngunit may iba pa aniyang skilled jobs na nasa talaan ngayon ng Department of Labor and Employment.