NABALAKA ang kadagkuan sa Simbahan nga daw nawagtang na ang pagka relihiyuso sa atong pagsaulog sa Sinulog.
Grabe na kuno ang pagka komersyal niini ug nabahiran na sa pulitika.
Ang ato lang mao: ingon man gyud niini ang pista bisan sa mga gagmayng lungsod. Dunay daghang mga kalingawan, mga gagmayng negusyo ug magpapapel sab ang mga pulitiko.
Apan klaro nga ang sentro sa kasaulogan mao ang novena, ang misa, ug ang prosesyon.
Gani, nagkaanam kadaghan ang manambong sa mga kalihokan sa simbahan labi na ang religious procession karong umaabot nga Sabado.
Bisan pa man, angayan lang sab nga pahinumdoman ang mga Sugbuanon nga kining atong kasaulogan karong semanaha nagsentro kang Senyor Sto. Niño.
Gani, ang sentro ug inspirasyon sa giingong grand Sinulog parade nga gipasiugdahan sa Sinulog foundation ug sa Syudad sa Sugbo mao man ang Senyor.
Dugang pa, di nato kalimtan nga kining Sinulog mao kini ang sayaw nga pangaliya kang Senyor Sto, Niño sukad pa kaniadtong panahon sa mga Katsila.
Gipadayon nato kining maong tradisyon ug di na kini mawala pa gikan kanato.
Subscribe to:
Post Comments (Atom)
No comments:
Post a Comment